გიორგი გაბიტაშვილი - ნარკოტიკული საშუალებების გამავრცელებელი პირების მიმართ პარალელური ფინანსური გამოძიების პრაქტიკა უნდა გააქტიურდეს

ნარკოსაქმიანობიდან მიღებული ფულის გათეთრების იდენტიფიცირების მიზნით, სამომავლოდაც უნდა გაგრძელდეს მუშაობა და გააქტიურდეს ნარკოტიკული საშუალებების გამავრცელებელი პირების მიმართ პარალელური ფინანსური გამოძიების პრაქტიკა, ნარკოტიკების გასაღებიდან მიღებული ქონების ჩამორთმევის მიზნით, - ამის შესახებ გენერალური პროკურორობის კანდიდატმა გიორგი გაბიტაშვილმა საპროკურორო საბჭოს წევრებთან გასაუბრებაზე განაცხადა.

გიორგი გაბიტაშვილის თქმით, ბოლო წლებში, სტაბილურად იზრდება ნარკოტიკული საშუალებების გამსაღებელ პირთა გამოვლენის და სისხლისსამართლებრივი დევნის მაჩვენებელი.

მისი თქმით, სისხლის სამართლის პოლიტიკა ამ პირების მიმართ მკაცრია და აღკვეთის ღონისძიებად გამოიყენება პატიმრობა. ასევე, გაბიტაშვილის განცხადებით, მკაცრია სასამართლოს განაჩენების საფუძველზე დანიშნული სასჯელებიც და როგორც წესი, გამსაღებელ პირებთან არ ფორმდება საპროცესო შეთანხმება.

როგორც გიორგი გაბიტაშვილმა აღნიშნა, აუცილებელია, ნარკოდანაშაულის ყველაზე გავრცელებულ მუხლებზე შემუშავდეს სახელმძღვანელო მითითება აღკვეთის ღონისძიებების გამოყენების და საპროცესო შეთანხმების გაფორმების თაობაზე, რაზეც მუშაობა მიმდინარეობს.

გიორგი გაბიტაშვილმა საპროკურორო საბჭოს წევრებთან ნარკოტიკული საშუალების მომხმარებელ პირთა მიმართ ლიბერალური პოლიტიკას გაუსვა ხაზი და აღნიშნა, რომ ეს ტენდენცია მომავალშიც შესანარჩუნებელია.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავი ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 25.07.2024
კახა ოქრიაშვილი - „ოცნების“ ორმაგი და სამმაგი თამაში ომამდე მიგვიყვანს
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო