მამაკაცს, რომელიც კაპიტოლიუმზე შტურმის დროს პოლიციას თავს დაესხა, 20 წლით თავისუფლების აღკვეთა მიუსაჯეს, - ამის შესახებ ინფორმაციას Associated Press-ი ავრცელებს.

Associated Press-ის ცნობით, კალიფორნიელი დევიდ ნიკოლას დემპსი 2021 წლის 6 იანვარს კაპიტოლიუმზე შტურმის დროს პოლიციელების წინააღმდეგ ფლაგშტოკებს, წიწაკის სპრეისა და სხვა იმპროვიზებულ საშუალებებს იყენებდა.

პროკურორების განცხადებით, დემპსი კაპიტოლიუმზე შტურმის დროს ერთ-ერთი ყველაზე აქტიური იყო და მან, სულ მცირე, ორი სამართალდამცავი დაჭრა.

დემპსის სასჯელი ერთ-ერთი ყველაზე მკაცრია, რომელიც სასამართლომ კაპიტოლიუმზე თავდასხმაში მონაწილე პირებს შეუფარდა.