დარწმუნებული ვარ სენატორი ჯინ შაჰინის გზავნილი კიდევ ერთხელ იქნება ქართველი ხალხის მხარდაჭერა, რომელთა აბსოლუტური უმრავლესობა ითხოვს და ელოდება ცვლილებებს 26 ოქტომბრის არჩევნებზე, - ამის შესახებ „ერთიანი ნაციონალური მოძრაობის“ თავმჯდომარემ, თინა ბოკუჩავამ სენატორ ჯინ შაჰინთან შეხვედრასთან დაკავშირებით განაცხადა.

მისი თქმით, სენატორი ჯინ შაჰინი საქართველოს ძალიან დიდი მეგობარია.

„კონკრეტულად ჯინ შაჰინი არის საქართველოს ძალიან დიდი მეგობარი და ვიტყოდი ყველაზე აქტიური სენატის წევრი, რომელიც საქართველოს მიმართულებით მუშაობს ამერიკის შეერთებული შტატების სენატში. დარწმუნებული ვარ მისი გზავნილი იქნება კიდევ ერთხელ მხარდაჭერა ქართველი ხალხის მიმართ, ქართველი ხალხის ევროატლანტიკური მისწრაფებების მიმართ, რომელთა აბსოლუტური უმრავლესობა დღეს ითხოვს და ელოდება ცვლილებებს 26 ოქტომბრის არჩევნებზე.“ - განაცხადა თინა ბოკუჩავამ.