ბაქოში ილჰამ ალიევისა და ვლადიმერ პუტინის შეხვედრა მიმდინარეობს
ბაქოში, აზერბაიჯანის პრეზიდენტის „ზაგულბას“ რეზიდენციაში რუსეთისა და აზერბაიჯანის პრეზიდენტების, ვლადიმერ პუტინისა და ილჰამ ალიევის შეხვედრა მიმდინარეობს, - ინფორმაციას რუსული მედია ავრცელებს.
რუსეთის პრეზიდენტმა აზერბაჯანელ კოლეგას ბაქოში მიწვევისთვის მადლობა გადაუხადა და განაცხადა, რომ ვიზიტზე დიდი ხანია შეთანხმდნენ.
„უპირველეს ყოვლისა, მადლობა მოწვევისთვის, ჩვენ დიდი ხანია შევთანხმდით ამ ვიზიტზე და მოხარული ვარ, რომ ვიმყოფები ბაქოში“, - განაცხადა პუტინმა.
შეგახსენებთ, ვლადიმერ პუტინი ბაქოში ორდღიანი სახელმწიფო ვიზიტით გუშინ ჩავიდა. ორშაბათს დაგეგმილია პუტინისა და ალიევის მოლაპარაკებები ვიწრო და გაფართოებულ ფორმატებში, რის შედეგადაც რამდენიმე დოკუმენტი გაფორმდება.
