ჭიათურაში, ადგილობრივების ერთი ჯგუფი შუქრუთისა და კოროხნალის მაღაროების ბლოკირებას განაგრძობს. შეკრებილები 165 დღეა ადგილობრივი მაღაროების მუშაობის გაჩერებას და კომპანიის მხრიდან კომპენსაციების გაცემას ითხოვენ.

დღეს, აქციას ჭორვილაში, ბიძინა ივანიშვილის სახლთან გამართავენ და საჩხერეში მსვლელობით გადაინაცვლებენ.

ადგილობრივების თქმით, ამ ფორმით ცდილობენ ხელისუფლების ყურადღების მიქცევას და კომპანიისგან კომპენსაციის მიღებას.

კომპანია "ჯორჯიან მანგანეზის" ინფორმაციით, შუქრუთის მოსახლეობის ნაწილს, რომლებიც მაღაროების ბლოკირებას ახდენენ, კომპენსაცია მოღებული აქვთ და ამჯერად, დამატებით თანხებს მოითხოვენ.