პოლონეთი აცხადებს, რომ რუსეთის მიერ უკრაინაზე თავდასხმის დროს მისი საზღვრები „საჰაერო ობიექტმა“ დაარღვია
პოლონეთის არმიაში აცხადებენ, რომ რუსეთის მიერ უკრაინაზე დღეს განხორციელებული სარაკეტო და დრონით თავდასხმის დროს პოლონეთის საჰაერო სივრცე დაირღვა.
პოლონეთის შეიარაღებული ძალების ოპერატიულმა სარდლობამ განაცხადა, რომ დილით უკრაინის ქალაქებზე განხორციელებული საჰაერო თავდასხმის დროს „საჰაერო ობიექტი“ პოლონეთის ტერიტორიაზე შევიდა.
ოპერატიული სარდლობის პრესსპიკერის, მაკეი კლეშჩის განცხადებით, აღნიშნული საჰაერო ობიექტი, სავარაუდოდ, დრონი იყო და მიმდინარეობს მისი ძებნა.
მოგვიანებით, პოლონეთის თავდაცვის მინისტრმა განაცხადა, რომ პოლონელი სამხედროები ჩამოაგდებდნენ რუსულ რაკეტას, თუ იქნებოდა მინიშნება, რომ ის პოლონეთის ტერიტორიაზე სამიზნისკენ მიემართებოდა.
