ჩინეთი სამხრეთ-აღმოსავლეთ აზიაში მშვიდობის ყველაზე დიდი დამრღვევია, - ამის შესახებ ფილიპინების თავდაცვის მდივანმა, ჟილბერტო თეოდორომ განაცხადა.

„ჩინეთი სამხრეთ-აღმოსავლეთ აზიაში საერთაშორისო მშვიდობის ყველაზე დიდი დამრღვევია. ანტიდოტი ჩინეთის წინააღმდეგ უფრო ძლიერი კოლექტიური მრავალმხრივი მოქმედებაა“, - განაცხადა ჟილბერტო თეოდორომ.

თეოდორომ აღნიშნა, რომ სხვა ქვეყნებმა ჩინეთს უკანონო ქმედებების შეწყვეტისკენ უნდა მოუწოდონ.

„სამხრეთ-აღმოსავლეთ აზიის ქვეყნების ასოციაციას, რათა აქტუალური და სანდო დარჩეს, არ შეუძლია იმის იგნორირება, რასაც ჩინეთი სამხრეთ ჩინეთის ზღვაში აკეთებს“, - აღნიშნა ფილიპინების თავდაცვის მდივანმა.

ცნობისთვის, ბოლო 12 თვის განმავლობაში, სამხრეთ ჩინეთის ზღვაში ფილიპინებისა და ჩინეთის გემებს შორის დაპირისპირების შემთხვევებმა იმატა.