იუსტიციის მინისტრის პირველი მოადგილის, თამარ ტყეშელაშვილის განცხადებით, უცხოური ძალის ინტერესების გამტარებელ ორგანიზაციათა რეესტრში, ამ დროისთვის, რეგისტრაცია 233-მა ორგანიზაციამ გაიარა.

აღნიშნული ინფორმაცია მან საკონსტიტუციო სასამართლოში გააჟღერა, სადაც „უცხოური გავლენის გამჭვირვალობის შესახებ“ კანონთან დაკავშირებული სარჩელების განხილვა მიმდინარეობს.

მისი თქმით, ქვეყანაში 30 000-მდე ორგანიზაცია არსებობს.

„ამ წუთის მონაცემებით, საჯარო რეესტრის ეროვნული სააგენტოსთვის 233 ორგანიზაციას აქვს მომართული, რეგისტრაციისთვის. კიდევ არის დრო. დღეის მდგომარეობით, 30 000-მდე ორგანიზაციაა ქვეყანაში, თუმცა აქ შედის სახელმწიფო ა(ა)იპი-ები, ფედერაციები და ასე შემდეგ. დასათვლელია ე.წ. მკვდარი ორგანიზაციები, რომლებსაც ბრუნვა არ უფიქსირდებათ. კონსულტაციებთან და დეკლარაციების გაურკვევლობასთან დაკავშირებით, საჯარო რეესტრი ძალიან მოწადინებულია, რომ ხალხს დაეხმაროს. ჩვენი ვალია, მოქალაქეებს მოვუწოდოთ, რომ აღასრულონ კანონი და ამ კანონის შესრულებაში ხელი შევუწყოთ...

შესაძლებელია ძალიან ცოტა იყოს ისეთი არასამთავრობო ორგანიზაცია, რომელზეც ეს კანონი შეიძლება გავრცელდეს. ჩვენ 122 მოსარჩელე და 233 განმცხადებელი ორგანიზაცია გვყავს. 30 000 ა(ა)იპ-ია საქართველოში, რომელთა რეგისტრაცია 90-იანი წლებიდან იწყება. ძალიან ბევრი ორგანიზაცია პასიურია. რომელია სახელმწიფო, რომელია ფედერაცია, ეს არ არის გამოხშირული. თუმცა, ასევე 50-მდე ორგანიზაცია არსებობს, რომელიც გვეუბნება, რომ მე ვექცევი ამ კანონის ქვეშ, მაგრამ მე არ დავრეგისტრირდები", - განაცხადა თამარ ტყეშელაშვილმა.“, - განაცხადა თამარ ტყეშელაშვილმა.