„ქართული ოცნება“ კვლავ ცდილობს დაპირისპირებისა და ძალადობის ენით ისაუბროს მაშინ, როდესაც ჩვენ ყველას, პარტიული კუთვნილების მიუხედავად, ვთავაზობთ გავერთიანდეთ, იმიტომ რომ ჩვენ მხოლოდ ერთიანობით შევძლებთ გადავწყვიტოთ ამ ქვეყნის ისტორიის მთავარი ამოცანა, რომ შევიდეთ ევროკავშირში, - ამის შესახებ „ერთიანობა - ნაციონალური მოძრაობის“ ერთ-ერთმა ლიდერმა, ლევან ბეჟაშვილმა განაცხადა.

მისივე თქმით, „ქართულ ოცნებას“ ქვეყანა იზოლაციისკენ მიჰყავს.

„ქართული ოცნება“ კვლავ ყოფს საქართველოს საზოგადოებას. კვლავ ცდილობს დაპირისპირებისა და ძალადობის ენით ისაუბროს მაშინ, როდესაც ჩვენ ყველას, პარტიული კუთვნილების მიუხედავად, ვთავაზობთ გავერთიანდეთ, იმიტომ რომ ჩვენ მხოლოდ ერთიანობით შევძლებთ გადავწყვიტოთ ამ ქვეყნის ისტორიის მთავარი ამოცანა, რომ შევიდეთ ევროკავშირში.

„ქართული ოცნება“ მიგვაქანებს იზოლაციაში. „ქართული ოცნება“ არჩევნებს აგებს. თემები, იქნება ეკლესიის თუ ამნისტიის თემა, მხოლოდ და მხოლოდ კიდევ ერთხელ წარმოაჩენს, რომ „ქართული ოცნება“ აგებს არჩევნებს. ყველა თემა საპირისპიროდ უბრუნდებათ და რეალურად, ხალხს გადაწყვეტილი აქვს, რომ ამ ქვეყანას ევროპული პერსპექტივა მოუპოვოს და პროდასავლურმა ოპოზიციამ გაიმარჯვოს“, - განაცხადა ლევან ბეჟაშვილმა.