მიხეილ სააკაშვილი ციხეში ზის იმიტომ, რომ პუტინმა ასე ისურვა. დავალება მისცა ივანიშვილს, საბრალდებო დასკვნა „ეფესბესა“ და რუსეთის გაცხადებულმა აგენტმა ფარცხალაძემ დაწერა, ივანიშვილის ჯიბის სასამართლო კი მას ასამართლებს - არ შეიძლება ევროპული სტანდარტის სახელმწიფოში პოლიტპატიმრები არსებობდნენ,- ამის შესახებ „ერთიანობა-ნაციონალური მოძრაობის“ ერთ-ერთმა ლიდერმა, გიორგი ბარამიძემ, საქართველოს მე-3 პრეზიდენტის მიხეილ სააკაშვილის სასამართლო სხდომასთან დაკავშირებით განაცხადა.

გიორგი ბარამიძე საქართველოს მე-5 პრეზიდენტს სალომე ზურაბიშვილს, მიხეილ სააკაშვილის შეწყალებისკენ მოუწოდებს და აღნიშნავს, რომ ეს „მისი არა უფლება, არამედ მოვალეობაა“.

„გრძელდება საქართველოს მე-3 პრეზიდენტის, მიხეილ სააკაშვილის სასამართლო პროცესები და ყველამ ვიცით, რომ ის პუტინს შეეწინააღმდეგა და საქართველო არ დაუთმო.... ყველაფერი გააკეთა, რომ სახელმწიფოებრიობა გადაერჩინა. ის დღეს ციხეში ზის იმიტომ, რომ პუტინმა ასე ისურვა, დავალება მისცა ივანიშვილის, საბრალდებო დასკვნა “ფე ეს ბესა” და რუსეთის გაცხადებულმა აგენტმა ფარცხალაძემ დაწერა, ივანიშვილის ჯიბის სასამართლო კი მას ასამართლებს. ეს გაუგონარი სირცხვილია ნებისმიერი ცივილიზებული სახელმწიფოსთვის, მითუმეტეს, ქართული სახელმწიფოსთვის, რომლის თანამედროვე სახელმწიფოებრიობის შემქმნელია მიხეილ სააკაშვილი.

მივმართავ ქალბატონ სალომე ზურაბიშვილის, რომელსაც საქართველოს პრეზიდენტის მოვალეობა აკისრია და გავახსენო მას, რომ პრეზიდენტ სააკაშვილისა და სხვა პოლიტპატიმრების შეწყალება არამარტო მისი უფლებაა, არამედ იქიდან გამომდინარეობს, რომ მას ევროპული ყაიდის სახელმწიფო უნდა იხილოს. სალომე ზურაბიშვილი ვალდებულია საქართველოს კონსტიტუციიდან და დაკისრებული მოვალეობებიდან გამომიდინარე პროცესები ისე წაიყვანოს, რომ როგორც თვითონ საუბრობს. ეს მისი მოვალეობაა და არა უბრალოდ უფლება.

თითოეულმა ჩვენგანმა რაც გევალება ყველაფერი უნდა გავაკეთოთ, რადგან ჩვენ ვალმოხდილი ვიყოთ სახელმწიფოს წინაშე. როდესაც მივმართავთ სალომე ზურაბიშვილს, იმიტომ მივმართავთ, რომ ის შემქმნელია ქართული ქარტიისა, რომელსაც „ერთიანობა -ნაციონალურმა“ მოძრაობამ ხელი მოაწერა. არ შეიძლება ევროპული სტანდარტის სახელმწიფოში პოლიტპატიმრები იყვნენ,“- განაცხადა გიორგი ბარამიძემ.