ირაკლი ნადირაძე - ირაკლი ეძგვერაძის დაკავება ემსახურება ერთადერთ რამეს, რომ საარჩევნო კამპანიაში ხელი შეგვეშალოს

„ერთიანობა-ნაციონალური მოძრაობის“ წევრის, ირაკლი ნადირაძის განცხადებით, მათი პარტიის წევრის, ირაკლი ეძგვერაძის დაკავება ემსახურება ერთადერთ მიზანს, რომ დააშინონ განსხვავებული აზრის ადამიანები და ოპოზიციური პარტიების ლიდერები. მისი თქმით, ყველა მსგავსი მცდელობა ოპოზიციას აძლევს მოტივაციას კიდევ უფრო მეტად ებრძოლონ ავტოკრატიულ რეჟიმს.

„მე დამირეკეს და მითხრეს, რომ ირაკლი ეძგვერაძესთან მობილიზებული იყო ადამიანების გარკვეული ჯგუფი, რომლებიც არ იყვნენ პოლიციის ფორმაში და ეცვათ სამოქალაქო ფორმა. როგორც მითხრეს, ადგილზე იყო დაპირისპირება. როდესაც უკვე მივედი, ირაკლი ეძგვერაძეს მანქანაში სვამდნენ, აკავებდნენ. მიუხედავად იმისა, რომ არაერთგზის ვთხოვე განემარტათ, რატომ აკავებდნენ, პასუხი არ მიგვიღია. შესაბამისად, დააკავეს, დაგვაკავეს ჩვენ და როგორც ჩანს, 48 საათში სასამართლო სხდომა გაიმართება, სადაც ან ფინანსური ჯარიმა იქნება ან ადმინისტრაციული პატიმრობა. ეს ემსახურება ერთადერთ რამეს, რომ საარჩევნო კამპანიაში ხელი შეგვეშალოს. ჩვენ გვინდა, რომ ვილაპარაკოთ ხალხის პრობლემებზე, ხალხის გაჭირვებაზე. ვხვდებით ადამიანებს და „ქართულ ოცნებას“ ძალიან არ მოსწონს, რომ ვლაპარაკობთ ადამიანების პრობლემებზე, ამიტომ სამწუხაროდ, მიზანი არის ერთადერთი, რომ როგორღაც ხელი შეუშალონ საარჩევნო კამპანიას“, - განაცხადა ირაკლი ნადირაძემ.

მისი თქმით, ოპოზიციას ერთადერთი რამ სურს - „მშვიდობიანად ჩაატარონ 26 ოქტომბრის არჩევნები, არჩევნებში კი, „ქართული ოცნება“ მარცხდება“.

ცნობისთვის, „ნაციონალური მოძრაობიდან“ საკრებულოს წევრები ირაკლი ეძგვერაძე და ირაკლი ნადირაძე შსს-მ ადმინისტრაციული წესით გუშინ საღამოს დააკავა. მანამდე, ირაკლი ეძგვერაძის სახლთან ხმაური იყო.

როგორც შსს-ში განმარტეს, ცენტრალური კრიმინალური პოლიციის თანამშრომლები ასრულებდნენ სამსახურებრივ მოვალეობას, "კერძოდ საგამოძიებო მოქმედებას ნარკოდანაშაულთან დაკავშირებით, რა დროსაც მათ სამსახურებრივი მოვალეობის შესრულებაში ხელი შეუშალა მოქალაქე ირაკლი ეძგვერაძემ, რომელსაც არანაირი შეხება არ ჰქონდა საგამოძიებო მოქმედებასთან“.

„ირაკლი ეძგვერაძე დაკავებულია ადმინისტრაციულ სამართალდარღვევათა კოდექსის 166-ე და 173-ე მუხლების შესაბამისად”, - განაცხადეს უწყებაში.

მოგვიანებით, ირაკლი ნადირაძე ხელწერილის საფუძველზე გაათავისუფლეს, ირაკლი ეძგვერაძე კი, ამ დრომდე ადმინისტრაციულ პატიმრობაში რჩება.

პეტრას აუსტრევიჩუსი - გზა, რომელსაც „ქართული ოცნება“ ადგას, აბსოლუტურად რუსული, აღმოსავლური გზაა
ქართული პრესის მიმოხილვა 06.02.2025
გიორგი ანთაძე - მინიმალური დემოკრატიული სტანდარტებიც კი საფრთხეშია
კახა ოქრიაშვილი „ოცნებას“ - თქვენს კოლექტიურ შიზოფრენიას უნდა გადააყოლოთ ქვეყანა? - შემოდგომაზე არჩევნები გარდაუვალია!
GM PHARMA-ში ახალი მედიკამენტების კვლევა-განვითარება აქტიურად გრძელდება
თბილისის საერთაშორისო სტანდარტის ყინულის არენაზე, "ბაკურიანი 2025"-ის ფარგლებში, ყინულის ჰოკეიში მოასპარეზე გოგონათა გუნდების ოფიციალური ვარჯიში გაიმართა
„სილქნეტმა” „დაჭრილ მებრძოლთა თანადგომის ფონდის“ 2024 წლის საქმიანობის ანგარიში წარადგინა
„ბიბლუსში“ თიბისის ხანგრძლივი ქეშბექ კამპანია დაიწყო - 20%-იანი ქეშბექი თიბისის მოსწავლის ბარათის ან ახალი თიბისი ბარათის მქონე სტუდენტებისთვის „ბიბლუსის“ სრულ ასორტიმენტზე
ევროპის ოლიმპიური კომიტეტების პრეზიდენტი თბილისის საერთაშორისო სტანდარტების ყინულის არენაზე, "ბაკურიანი 2025"-ის ფარგლებში მიმდინარე შეჯიბრებას დაესწრო