ბელარუსის თავდაცვის უწყება ქვეყნის საჰაერო სივრცეში დრონების განადგურებას ადასტურებს
საჰაერო სივრცეში ბელარუსის რესპუბლიკის სახელმწიფო საზღვრის უპილოტო საფრენი აპარატების მიერ დარღვევის ფაქტი 5 სექტემბრის ღამეს დაფიქსირდა, - ამის შესახებ ბელარუსის შეიარაღებული ძალების გენერალური შტაბის უფროსმა, საჰაერო ძალების და საჰაერო თავდაცვის ძალების მეთაურის პირველმა მოადგილემ, პოლკოვნიკმა სერგეი ფროლოვმა განაცხადა.
ბელარუსის თავდაცვის სამინისტროს პრესსამსახურის „ტელეგრამზე“ გამოქვეყნებული ვიდეო მიუთითებს, რომ საჰაერო თავდაცვის სისტემებმა ყველა სამიზნე გაანადგურეს. ამასთან, ფროლოვს დრონების წარმოშობასა და მათ შესაძლო სამიზნეებზე არ უსაუბრია.
ცნობისთვის, მანამდე რამდენიმე უკრაინულმა და ბელარუსულმა „ტელეგრამ“ არხმა გაავრცელა ინფორმაცია, რომ ბელარუსის თავზე უპილოტო საფრენი აპარატები დააფიქსირეს, რომლებიც, მათი ვარაუდით, რუსეთის მიერ უკრაინისკენ გაშვებული Shahed-ის დრონები იყო.
v-if="article.gallery" v-html="article.gallery"
