„ერთიანობა - ნაციონალური მოძრაობის“ პოლიტსაბჭოს წევრის, ლაშა ფარულავას განცხადებით, „ქართული ოცნების“ დამფუძნებელი ბიძინა ივანიშვილი ხალხს დაჰპირდა, რომ ქვეყანაში კომუნალური ტარიფები განახევრდებოდა, თუმცა განახევრების ნაცვლად ყველაფერი გაძვირდა.

მისივე თქმით, „26 ოქტომბერს საქართველოში ბიძინა ივანიშვილის თაღლითური პოლიტიკა უნდა დასრულდეს“.

„ივანიშვილი გაიძახდა, რომ მას საქართველოში ბიზნესი არ აქვს, თუმცა ბაჩიაშვილის საქმით დადასტურდა, რომ არა მხოლოდ ბიზნესი აქვს, არამედ სახელმწიფოს და ხალხის ხარჯზე მილიარდობით ლარი იშოვა, ეს არის ბიძინა ივანიშვილის მიდგომა - ხალხს ტარიფების განახევრებას დაჰპირდა, თუმცა თავისთვის გაინახევრა, ხალხს აბსოლუტურად, ყველაფერი გაუძვირა, მათ შორის კომუნალური ტარიფები, ეს არის ბიძინა ივანიშვილის თაღლითური პოლიტიკა. ამასობაში, სააკაშვილის ბიზნესსა და ქონებას დაეძებდა, ვერაფერი ვერ იპოვა და პიჯაკებს მიადგა.

ასე ვეღარ გაგრძელდება, ამ ქვეყანაში ბიძინა ივანიშვილის თაღლითური მმართველობა უნდა დასრულდეს. ჩვენ გვინდა ევროპული კეთილდღეობა, ევროპული განვითარება, 14 მილიარდიანი შესაძლებლობა, რომელიც აბსოლუტურად, ყველა დარგისთვის გაჩნდება და ამის მიღწევა შესაძლებელია 26 ოქტომბერს. 26 ოქტომბერს სასწორზე დევს 14 მილიარდი, ჩვენი მნიშვნელოვანი დარგების თანასწორი განვითარება, მათ შორის ამ ქვეყანაში კომუნალური ტარიფები უნდა განახევრდეს, ივანიშვილის თაღლითური მმართველობა უნდა დასრულდეს, ადამიანები ფიზიკურად გადასახადებს ვეღარ იხდიან. ერთ-ერთი მძიმე და ტრაგიკული ფაქტი ზუგდიდში მოხდა და ეს აღარ უნდა განმეორდეს, ეს ამ ქვეყანაში უნდა დასრულდეს, ივანიშვილის თაღლითური მმართველობა უნდა დასრულდეს და ამ ქვეყანაში რეფორმები, ევროპული კეთილდღეობა უნდა გაგრძელდეს და ევროპული კეთილდღეობა ყველასთან უნდა მივიდეს. დღეს, კეთილდღეობა აქვს ერთეულებს - ივანიშვილის „კლანს“, ივანიშვილის თაღლითურ სქემებში მოქცეულ კონკრეტულ პირებს და ეს არის მიუღებელი, ეს ამ ქვეყანაში უნდა დასრულდეს“, - განაცხადა ლაშა ფარულავამ.