უკრაინის სპორტის სამინისტრო და უკრაინის ჭადრაკის ფედერაცია ჭადრაკის საერთაშორისო ფედერაციას მოუწოდებენ, არ აღუდგინოს რუს და ბელარუს სპორტსმენებს საერთაშორისო შეჯიბრებებში მონაწილეობის უფლება.

ჭადრაკის საერთაშორისო ფედერაციას გეგმავს, რომ საკითხი 21-22 სექტემბერს ბუდაპეშტში გამართულ გენერალურ ასამბლეაზე განიხილოს, რაზეც უკრაინის ოფიციალურმა წარმომადგენლებმა ღრმა შეშფოთება გამოხატეს.

“ახალგაზრდობისა და სპორტის მინისტრმა მატვი ბიდნიმ, საგარეო საქმეთა მინისტრმა ანდრი სიბიჰამ და უკრაინის ჭადრაკის ფედერაციის პრეზიდენტმა ოლექსანდრ კამიშინმა ხელი მოაწერეს წერილს ჭადრაკის საერთაშორისო ფედერაციისადმი (FIDE).

ისინი მოუწოდებენ ჩამოსორების გაგრძელებას და რუსეთისა და ბელარუსის საჭადრაკო ფედერაციის უფლებების არ აღდგენას.

უკრაინის ოფიციალურმა წარმომადგენლებმა გამოხატეს ღრმა შეშფოთება FIDE-ს გეგმებთან დაკავშირებით განიხილონ ეს საკითხი 21-22 სექტემბერს ბუდაპეშტში გამართულ გენერალურ ასამბლეაზე.

სრულმასშტაბიანი შემოჭრის დაწყებიდან რუსეთმა მოკლა 500-ზე მეტი სპორტსმენი და მწვრთნელი, მათ შორის 21 მოჭადრაკე. დაკარგულად ითვლება კიდევ ორი მოჭადრაკე.

უკრაინის ოფიციალური პირები ხაზს უსვამენ, რომ რუსული და ბელარუსული სპორტული ორგანიზაციები ამ ქვეყნების სახელმწიფო პოლიტიკის ინსტრუმენტია. უკრაინა მოუწოდებს FIDE-ს, გააგრძელოს რუსეთისა და ბელარუსის სპორტსმენების ჩამოშორება ყველა საერთაშორისო შეჯიბრს“, - წერია განცხადებაში, რომელსაც საქართველოში უკრაინის საელჩო ავრცელებს.