საქართველოს პრეზიდენტი სალომე ზურაბიშვილი საფრანგეთის პრეზიდენტ ემანუელ მაკრონს ხვდება.

საქართველოს პრეზიდენტის ადმინისტრაციის ინფორმაციით, შეხვედრა საფრანგეთში, ელისეს სასახლეში მიმდინარეობს.

ინფორმაციისთვის, პრეზიდენტი სალომე ზურაბიშვილი ევროპულ ტურნეს მართავს. ის ჯერ გერმანიას სტუმრობდა, სადაც პრეზიდენტ ფრანკ-ვალტერ შტაინმაიერს შეხვდა, შემდეგ პოლონეთში იმყოფებოდა, სადაც პრეზიდენტ ანჯეი დუდასთან გამართა შეხვედრა, გუშინ კი ბრიუსელს სტუმრობდა, სადაც ევროპული საბჭოს პრეზიდენტს შარლ მიშელსა და ევროკომისიის პრეზიდენტ ურსულა ფონ დერ ლაიენს შეხვდა.