სადაზღვევო კომპანია ალდაგის პრემიუმ ბრენდის პრიმოს მხარდაჭერით, პორშე ცენტრი თბილისმა სრულიად განსხვავებული შესაძლებლობებით, Porsche-ს ელეგანტური სტილითა და დიზაინით გამორჩეული ელექტრომოდელი Porshce Macan-ი წარადგინა. პრეზენტაცია ძველი ქართული კინოსტუდიის ტერიტორიაზე შედგა. ამის შესახებ ინფორმაციას სადაზღვევო კომპანია „ალდაგი“ ავრცელებს.

მათი ცნობით, „პრიმო“ „ალდაგის“ პრემიუმ ბრენდია და საქართველოში პირველი პერსონალური სადაზღვევო მომსახურებაა, რომლის ფარგლებში დაზღვეული ავტომობილის მფლობელს ჰყავს პირადი მენეჯერი „ალდაგში“ და სარგებლობს ექსკლუზიური პირობებით დაზღვევაზე, მათ შორის, ავტორიზებულ სერვისცენტრებში მომსახურება, კონსიერჟის მომსახურება.

„პორშე ცენტრი თბილისის ღონისძიებები ჩვენთვის, ყოველთვის, საინტერესო და მნიშვნელოვანია. ალდაგსა და პორშეს ხანგრძლივი პარტნიორული ურთიერთობა აკავშირებთ და მოხარულები ვართ, რომ კიდევ ერთხელ მოგვეცა შესაძლებლობა, ჩვენი მხარდაჭერა გამოგვეცხადებინა. დღეს, წარმოდგენილი ვართ, „ალდაგის“ პრემიუმ ბრენდის - „პრიმოს“ სახელით. პრიმო ეს არის უნიკალური სადაზღვევო გამცდილება, რომელიც ინდუსტრიისთვის სიახლეა. პრიმოს სერვისით, ვცდილობთ, კიდევ უფრო მეტად მოვერგოთ მომხმარებლების საჭიროებებს, რომელიც არაერთ სპეციალურ შეთავაზებას და განსხვავებულ პირობას მოიცავს. მათ შორისაა, პერსონალური მენეჯერი, კონსიერჟ სერვისი და სხვა,“- ქეთევან მაღალაშვილი, „ალდაგის“ მარკეტინგის დირექტორი;

მათივე ინფორმაციით, ელექტრიფიცირებული Porsche Macan-ის უახლესი მოდელის მსოფლიო გაყიდვები ერთდროულად დაიწყო. თანამედროვე და კლასიკური Macan-ი, Porsche-ს 2024 წლის მთავარი სიახლეა.