მოსწავლეზე ძალადობაში ბრალდებულ ცეკვის მასწავლებელს აღკვეთის ღონისძიების სახით 2 000-ლარიანი გირაო შეეფარდა.

აღნიშნული გადაწყვეტილება ბათუმის სასამართლომ რამდენიმე დღის წინ მიიღო.

თუ რა პოზიცია აქვს ბრალდებულს მომხდართან დაკავშირებით, მისი უფლებადამცველი კომენტარს არ აკეთებს.

ცნობისთვის, სოციალურ ქსელში ვიდეოკადრები გავრცელდა, სადაც ჩანს, თუ როგორ სცემს ცეკვის მასწავლებელი მოსწავლეს.

ბრალდებულს ბრალი სისხლის სამართლის კოდექსის 126-ე მუხლით აქვს წარდგენილი, რაც ძალადობას გულისხმობს.