გორის მუნიციპალიტეტის მერიის დაფინანსებული პროექტი "ციფრული აკადემია" დასრულდა.

ამის შესახებ ინფორმაციას გორის მუნიციპალიტეტის მერია ავრცელებს.

მათი ცნობით, სასწავლო კურსში გაიარა კონკურსის წესით შერჩეულმა 14-დან 18 წლამდე ასაკის 20-მდე გორელმა ახალგაზრდამ. მათ პროექტის ორგანიზატორებმა სერტიფიკატები გადასცეს და წარმატებები უსურვეს.

„მოზარდები ინფორმაციულ ტექნოლოგიებს 5 თვის განმავლობაში ეუფლებოდნენ. ისინი ორ სასწავლო მიმართულებას - ფრონტ ენდ დეველოპმენტსა და გრაფიკულ დიზაინს სწავლობდნენ.

ინიციატივის მიზანი ახალგაზრდებში ინფორმაციული ტექნოლოგიების დაუფლების თანაბარი ხელმისაწვდომობის ხელშეწყობა იყო.

პროექტი ორგანიზაცია "ფიბოლერნთან" თანამშრომლობით განხორციელდა“, - ნათქვამია ინფორმაციაში.