აშშ-ის სახელმწიფო მდივანი, ენტონი ბლინკენი დღეს ისრაელში ჩადის, - ინფორმაციას Reuters-ი ავრცელებს.

გამოცემის ცნობით, ბლინკენი ახლო აღმოსავლეთში დაგეგმილი ერთკვირიანი ტურნეს ფარგლებში იორდანიასა და კატარსაც ეწვევა. ვიზიტის მიზანი „ჰამასის“ ლიდერის იაჰია სინვარის გარდაცვალების შემდეგ ღაზას სექტორში ცეცხლის შეწყვეტის შესახებ მოლაპარაკებების განახლებისა და ანკლავის მომავლის საკითხის განხილვაა.

სახელმწიფო მდივანი ისრაელთან და სხვა ქვეყნებთან ასევე განიხილავს, თუ როგორ არის შესაძლებელი ჰეზბოლასთან კონფლიქტის დიპლომატიური გადაწყვეტა და გააგრძელებს ვაშინგტონის საუბარს ისრაელთან ირანის სარაკეტო თავდასხმაზე მოსალოდნელი პასუხის შესახებ.