მარნეულში, 2024 წლის საქართველოს პარლამენტის არჩევნებისთვის 08:00 საათზე ყველა საარჩევნო უბანი გაიხსნა. სწორედ ამ დროიდან დაიწყეს ამომრჩევლებმა საკუთარი პოლიტიკური არჩევანის გაკეთება.

როგორც მარნეულის 22-ე საოლქო საარჩევნო კომისიის თავმჯდომარემ, ლელა ქრისტესიაშვილმა განაცხადა, უბნები დარღვევების გარეშე გაიხსნა.

“მარნეულის ოლქის შემადგენლობაში შემავალ უბნებზე დაახლოებით, 101 000-მდე ამომრჩეველი გვყავს. მარნეულის ოლქში 81 საარჩევნო უბანია, აქედან 41 სარჩევნო უბანი ელექტრონული წესით ახორციელებს ხმის მიცემას, ხოლო 40 უბანზე ტრადიციული გზით განხორციელდება კენჭისყრა. ყველა უბანი გახსნილია, შეფერხებების გარეშე მიმდინარეობს პროცედურები”, - განაცხადა ქრისტესიაშვილმა.

ცნობისთვის, მარნეულში 101 572 ამომრჩეველი და 81 საარჩევნო უბანია. 40 საარჩევნო უბნაში ხმის მიცემა ძველი, არაელეტქრონული მეთოდით მოხდება, 41 უბანში კი ელექტრონულით.