2024 წლის საპარლამენტო არჩევნებისთვის ქუთაისის #59-ე ოლქში არსებული ყველა უბანი 08:00 საათზე გაიხსნა.

საარჩევნო ოლქის ინფორმაციით, ყველა უბანი დროულად გაიხსნა, არ ყოფილა შეფერხება და პირველი ამომრჩეველიც მივიდა.

საპარლამენტო არჩევნებისთვის ქუთაისში 72 უბანია გახსნილი, აქედან ერთი #2 სასჯელაღსრულების დაწესებულებაში. რეგისტრირებულია 152 506 ამომრჩეველი. 71 უბანში არჩევნები ელექტრონული წესით გაიმართება.