სი ძინპინი პეკინში ინდონეზიის პრეზიდენტს შეხვდა, - ამის შესახებ ინფორმაციას ჩინეთის სახელმწიფო საინფორმაციო სააგენტო Xinhua ავრცელებს.

ინდონეზიის პრეზიდენტს, პრაბოვო სუბიანტოს, რომელიც ჩინეთში გუშინ ჩავიდა, ჩინეთის პრეზიდენტმა, სი ძინპინმა პეკინის დიდ სახალხო დარბაზში უმასპინძლა, სადაც მხარეებმა ორმხრივი მოლაპარაკებები გამართეს.

ჩინეთში ვიზიტის ფარგლებში პრაბოვო სუბიანტო ჩინეთის პრემიერ-მინისტრს, ლი ციანსაც შეხვდება.

ცნობისთვის, პრაბოვო სუბიანტოს ინაუგურაცია 20 ოქტომბერს გაიმართა.