ირაკლი ქადაგიშვილი - ოპოზიციამ საკუთარი ქმედებებით თავად შეიძლება მიიყვანოს თავი სასამართლოს წინაშე - რასაც ჩვენ ოპოზიციას ვუყურებთ, ეს არის აბსოლუტური დესტრუქცია და კონსტიტუციის დარღვევისკენ მიდრეკილი ნაბიჯები

ოპოზიციამ საკუთარი ქმედებებითა და ნაბიჯებით თავად შეიძლება მიიყვანოს თავი სასამართლოს წინაშე - რასაც ჩვენ ოპოზიციას ვუყურებთ, ეს არის აბსოლუტური დესტრუქცია და კონსტიტუციის დარღვევისკენ მიდრეკილი ნაბიჯები, - ასე უპასუხა “ქართული ოცნების“ დეპუტატმა ირაკლი ქადაგიშვილმა ოპოზიციური პარტიების აკრძალვასთან დაკავშირებით დასმულ კითხვას.

როგორც ქადაგიშვილმა დასძინა, ოპოზიციას საკუთარი ქმედებები კარგს არაფერს უქადის.

„ამის მიზეზი ბევრი რამ შეიძლება იყოს - მაგალითად, ორხელისუფლებიანობის ჩამოყალიბების მცდელობა, როცა გვეუბნებიან, რომ როგორც არჩეული ხელისუფლება ისე მოვიქცევითო“, - აღნიშნა ირაკლი ქადაგიშვილმა.

პრემიერ-მინისტრმა ირაკლი კობახიძემ ოპოზიციური პარტიები, რომლებიც არჩევნების შედეგებს არ აღიარებენ, კონსტიტუციური წყობილების წინააღმდეგ სვლაში დაადანაშაულა. მან ოპოზიციური პარტიების გაუქმების გადაწყვეტილება არ გამორიცხა.

„აქ საუბარია საკონსტიტუციო სარჩელის შეტანაზე, რასაც დეპუტატების მცირე რაოდენობა სჭირდება. ეს არის აბსოლუტურად საკმარისი. თუ კონსტიტუციური წყობილების წინააღმდეგ სიარულს გააგრძელებენ, ამ შემთხვევაში შეიძლება ჩვენ ეს საკითხი განვიხილოთ.

მეორეს მხრივ, დღეს ოპოზიცია იმდენად დასუსტებულია, რომ შეიძლება ასეთი ზომების მიღება აღარც გახდეს აუცილებელი, თუმცა ცუდი არ იქნებოდა ქვეყნის გრძელვადიანი სტაბილური განვითარებისთვის“, - განაცხადა ირაკლი კობახიძემ.

პატრიარქის სააღდგომო ეპისტოლე
ქართული პრესის მიმოხილვა 21.04.2025
რამაზ საყვარელიძე - ყველაფერს აჯობებს, ოპოზიციამ თავი რომ დაანებოს უბორბლებო, ანუ უშედეგო ველოსიპედის გამოგონებას
საჩუქარი ლოქერის მომხმარებლებს - ინოვაციური ტექნოლოგიები, კომფორტული მომსახურება და ყოველთვის სარგებლიანი შეთავაზებები PSP-სგან
24 აპრილს Touch Plarform-ის ორგანიზებით თბილისში რიგით მეორე საერთაშორისო ციფრული დიზაინ ფესტივალი Touch RGB გაიმართება
„არდი დაზღვევის“ გენერალური დირექტორი - „არდის“ და Liv Hospital Group-ის სტრატეგიული პარტნიორობა მნიშვნელოვანი ნაბიჯია საქართველოს ჯანმრთელობის დაზღვევის სექტორის განვითარებისთვის