პოლიციის წარმომადგენლები "ერთიანობა - ნაციონალური მოძრაობის" ლიდერთან გიორგი ვაშაძესთან მივიდნენ და განუმარტეს კანონი შეკრებისა და მანიფესტაციის შესახებ.

სამართალდამცველებმა აქციის მონაწილეებს 15 წუთიანი ვადა მისცეს დასაშლელად, წინააღმდეგ შემთხვევაში, ისინი გააფრთხილეს, რომ შესაბამის ზომებს მიიღებენ სავალი გზის გასათავისუფლებლად.

ვაშაძესა და პოლიციას შორის საუბრისას ადგილი ჰქონდა სიტყვიერ დაპირისპირებას. ვაშაძე მათგან 40 წუთის ვადას ითხოვდა, რაზეც პოლიციამ უარი უთხრა.

"მე ვთხოვე 40 წუთი და პასუხს ვერ გვცემენ. 40 წუთი არის გონივრული ვადა. მე ჩემი პოზიცია ჩამოვუყალიბე მათ, მათ პასუხი არ აქვთ", - განუცხადა გიორგი ვაშაძემ ჟურნალისტებს.