მოსაზრება, რომ ჩინური პროდუქცია ჩვენს ქვეყანაში შემოდის და შემდეგ მისი აშშ-ში გადატანა ხდება, არასწორია, - ამის შესახებ მექსიკის პრეზიდენტმა, კლაუდია შეინბაუმმა განაცხადა.

„აშშ-ის ჩინეთიდან ძალიან ბევრი შეაქვს. ეს დიდი ხნის განმავლობაში თავად აშშ-ის, ისევე როგორც კანადის, ეკონომიკური პროექტის ნაწილი იყო. მოსაზრება, რომ ჩინური პროდუქცია ჩვენს ქვეყანაში შემოდის და შემდეგ მისი აშშ-ში გადატანა ხდება, არასწორია“, - განაცხადა კლაუდია შეინბაუმმა.

მისივე თქმით, კანადასთან და აშშ-სთან ოფიციალურ შეხვედრებზე, ასევე, აშშ-ის არჩეულ პრეზიდენტთან, დონალდ ტრამპთან შეხვედრაზე გეგმავს აჩვენოს, რომ აღნიშნული მოსაზრება მცდარია.

„გეგმა გვაქვს, რომელსაც ფინანსთა მინისტრი ეკონომიკის მინისტრთან ერთად ავითარებს, რომ ჩინეთიდან შემოსული პროდუქცია ჩავანაცვლოთ და უმეტესობა აქ ვაწარმოოთ“, - აღნიშნა მექსიკის პრეზიდენტმა.