მე-11 მოწვევის პარლამენტის დეპუტატების სიის გამოცხადებას პარლამენტთან მიმდინარე აქციაზე მოქალაქეების მხრიდან ხმაური და შეძახილები მოჰყვა.

მოქალაქეებმა ხმაური და უკმაყოფილება იმ დროს გამოხატეს, როცა „ქართული ოცნების“ დეპუტატმა ირაკლი ქადაგიშვილმა პარლამენტის წევრების სია წაიკითხა.

პარლამენტის წინ დამონტაჟებულია დიდი ეკრანი, რომლის მეშვეობითაც აქციაზე მყოფნი მოქალაქეები ახალი მოწვევის პარლამენტის პირველი სხდომის მიმდინარეობას ადევნებენ თვალს.

რაც შეეხება თავად აქციას, რუსთაველის გამზირზე ამ დრომდე რჩებიან საქართველოს მოქალაქეები. ისინი აცხადებენ, რომ არ აღიარებენ 26 ოქტომბრის არჩევნების შედეგებს.

პარლამენტის მიმდინარე ტერიტორიაზე კვლავ რჩებიან შსს-ის სხვადასხვა დანაყოფები.