მოქალაქეები, რომლებიც მთავრობის გადაწყვეტილებას აპროტესტებენ, ორბელიანების სასახლესთანაც მივიდნენ.

პროტესტის მონაწილეები სასახლესთან მაშინ მივიდნენ, როდესაც საქართველოს პრეზიდენტი სალომე ზურაბიშვილი ოპოზიციასთან მართავდა შეხვედრას.

მოქალაქეები, მთავრობის იმ გადაწყვეტილებას აპროტესტებენ რომლის თანახმად საქართველო 2028 წლის ბოლომდე დღის წესრიგში არ დააყენებს ევროკავშირთან მოლაპარაკების გახსნის საკითხს.

აქციები თბილისში და რამდენიმე ქალაქში მას შემდეგ დაიგეგმა, რაც საქართველოს პრემიერ-მინისტრმა,

ირაკლი კობახიძემ საპარლამენტო უმრავლესობისა და სამთავრობო გუნდის შეხვედრის შემდეგ ბრიფინგზე განაცხადა, რომ საქართველო 2028 წლის ბოლომდე დღის წესრიგში არ დააყენებს ევროკავშირთან მოლაპარაკების გახსნის საკითხს.

პრემიერ-მინისტრის განცხადებით, საქართველო, ასევე, 2028 წლის ბოლომდე უარს ამბობს ყოველგვარ საბიუჯეტო გრანტზე ევროკავშირის მხრიდან.