ბათუმში აქცია-მსვლელობის მონაწილეებმა აჭარის მთავრობის სახლთან გადაინაცვლეს, სადაც მოქალაქეთა ნაწილი და პოლიტიკოსები საპროტესტო აქციას მართავენ.

შეკრებილების თქმით, საქართველოს მთავრობა არ ჰყავს, ხელისუფლებას კი რუსეთი მართავს.

“აქ უნდა გავათენოთ, პოლიცია კონსტიტუციის ჩარჩოდან გასულია, მათ გაჰყვა მთავრობაც, რომელიც რუსულია. ყველას შეგვიძლია სადღაც წასვლა, მაგრამ ჩვენი ქვეყანა აქ არის. აქ რუსი თავისი ფორმით არ შემოვა, რუსი აქ არის, ხელისუფლება რუსულია, რომელიც ამბობს, რომ ლეგიტიმურია. ძირს რუსული ხელისუფლება. საქართველო ნატოს წევრი უნდა გახდეს, არ შეიძლება სამართალი მხოლოდ ერთისთვის იყოს”, - აცხადებენ შეკრებილები.

აჭარის მთავრობის სახლის მთავარ შესასვლელთან სამართალდამცავები არიან განლაგებული.