ბათუმში საპროტესტო აქციის მონაწილეები შეძახილებით, “მონებო” აჭარის მთავრობის სახლთან მივიდნენ.

აქციის მონაწილეები აცხადებენ, რომ ქვეყანას „დიქტატორი მართავს და აქციის მონაწილეთა მიმართ სასტიკ მეთოდებს იყენებს“.

“ბათუმის საქალაქო სასამართლოს მოსამართლე, ხათუნა ბოლქვაძემ, რომელმაც დაკავებულთა მიმართ უმკაცრესი ფორმა გამოიყენა, ჩვენ მის ლექციებს უნივერსიტეტში არ დავესწრებით. მან უდანაშაულო ადამიანები დასაჯა, რაც მიუღებელია. ვრჩებით აჭარის მთავრობის სახლთან და ვაგრძელებთ პროტესტს, ერთი მიზნით, რომელიც წინაპრებმა დაგვიტოვეს, ეს არის “ევროპული გზა”, - აცხადებენ შეკრებილები.