საგარეო საქმეთა სამინისტროში [ირაკლი კობახიძე] ვერაფერს ვერ გახდა და როგორც დამალულად შეიპარა, ისე დამალულად გაიპარა, - ამის შესახებ კოალიცია “ცვლილებებისთვის” წევრმა, ალექსი (ბუკა) პეტრიაშვილმა საგარეო საქმეთა სამინისტროსთან ჟურნალისტებს განუცხადა.

პეტრიაშვილის თქმით, მათ სურდათ ირაკლი კობახიძესთან შეხვედრა, რათა აეხსნათ, თუ „რატომ არის ის რუსული რეჟიმის მონაწილე და ნაწილი“.

„საგარეო საქმეთა სამინისტროში ის [ირაკლი კობახიძე] ვერაფერს ვერ გახდა და როგორც დამალულად შეიპარა და ისე დამალულად გაიპარა. არა თუ ჩვენთან შეხვედრა ვერ გაბედა, მას საგარეო საქმეთა სამინისტროს თანამშრომლების უმრავლესობა არ შეხვდა. ეს ყველაფერი უნდა გაგრძელდეს და გადაიზარდოს დაუმორჩილებლობაში და საყოველთაო გაფიცვაში, რომელიც აუცილებლად ამ რეჟიმს დასასრულამდე მიიყვანს”, - განაცხადა პეტრიაშვილმა.