ილიას სახელმწიფო უნივერსიტეტის პროფესორ-მასწავლებლებისა და სტუდენტების ორგანიზებით ილიას სახელმწიფო უნივერსიტეტის A კორპუსიდან რუსთაველის გამზირის მიმართულებით დღეს მსვლელობა გაიმართება ლოზუნგით - დაუმორჩილებლობა თავისუფლების საფუძველია!

მსვლელობა 18:00 საათზეა დაგეგმილი.

ასევე, ილიას სახელმწიფო უნივერსიტეტის აკადემიური და წარმომადგენლობითი საბჭოების წარმომადგენლები ერთობლივ განცხადებას ავრცელებენ, სადაც დემონსტრანტებზე ძალადობას გმობენ.

„შეშფოთებულები ვართ იმ განსაკუთრებული სისასტიკით, რომელსაც ამ დღეებში იყენებენ ჩვენი ახალგაზრდების წინააღმდეგ. ვგმობთ ძალადობას დემონსტრანტებზე, რომლებიც დგანან საქართველოს ევროპული მომავლის სადარაჯოზე“,- ნათქვამია განცხადებაში.