თსუ-ს სტუდენტის, ვანო გომურაშვილის ინფორმაციით, თბილისის სახელმწიფო უნივერსიტეტის რექტორმა, ჯაბა სამუშიამ სტუდენტების არცერთი მოთხოვნა არ დააკმაყოფილა.

როგორც შეხვედრის დასრულების შემდეგ მან აღნიშნა, თსუ-ს რექტორი მმართველი პარტიის „პროპაგანდას იმეორებს“.

მისივე თქმით, რექტორსა და სტუდენტებს შორის შეხვედრა უშედეგოდ დასრულდა.

“ჯაბა სამუშია არის “ქართული ოცნების” და ბიძინა ივანიშვილის პირადი პროპაგანდისტი. ის არის “ქართული ოცნების” მონა, ისიც კი ვერ თქვა, რომ საქართველოს კონსტიტუციის მუხლი დაირღვა, რომლის მიხედვითაც ევროინტეგრაციის პროცესი შეჩერდა. შესაბამისად, ჯაბა სამუშიასთან საუბარს აზრი არ აქვს. დღეს კიდევ ერთხელ დაამტკიცა, რომ ის არის მონა და ბიძინა ივანიშვილის რუპორი. სამი მოთხოვნა გვქონდა:

კერძოდ, თსუ-ს კარები ყოფილიყო 24/7 ღია, სწავლა შეჩერებულიყო და რაც მთავარია ჯაბა სამუშიას ღია და მკაფიო პოზიცია გამოეხატა, რომ საქართველოს ევროინტეგრაციის პროცესი არის საფრთხეში.

რა თქმა უნდა, არცერთი არ დააკმაყოფილა.

ჩვენი გეგმა არის, რომ პროტესტი გაგრძელდეს. მათ შორის, ჯაბა სამუშიამ თსუ უნდა დატოვოს”, - აცხადებს ვანო გომურაშვილი.