ბათუმში, ევროპის მოედანზე სხვადასხვა სკოლის მოსწავლეები საპროტესტო აქციას მართავენ. მათი განცხადებით, ხელისუფლების მიერ ბოლოს დროს ევროკავშირთან დაკავშირებით გაკეთებული განცხადებები მიუღებელია. მოსწავლეები ამბობენ, რომ პროტესტის ნიშნად, გაფიცული არიან და არ სურთ საგაკვეთილო პროცესზე დასწრება.

„თანატოლებს მოვუწოდებთ, ღიად დააფიქსირეთ თქვენი პოზიცია ევროპასთან დაკავშირებით. გვინდა ევროპული განათლება, ყველაფერი ევროპული რაც ჩვენს ქვეყანას გამოადგება.

გამოსული ვართ სხვადასხვა სკოლიდან მოსწავლეები და მასწავლებლები, ყველას ერთი მიზანი გვაქვს, გვინდა, რომ რუსული რეჟიმი აღარ იყოს. ძალიან ბევრი სკოლის მოსწავლე გაფიცულია და საგაკვეთილო პროცესს არ ესწრება”, - აცხადებენ მოსწავლეები.