უკვე თითქმის ორი საათია, რუსთაველის გამზირზე ვითარება თითქმის უცვლელია - ქაშუეთის ტაძართან განლაგებულია სპეციალური დანიშნულები რაზმი, რომელიც რუსთაველის თეატრის წინ მყოფი მომიტინგეების მისამართით პერიოდულად ცრემლსადენი გაზის კაფსულებს ისვრის.

აქციის მონაწილეებს ადგილზე მომარაგებული აქვთ წყლით სავსე სათლები, სადაც სპეცრაზმის ნასროლ გაზის კაფსულებს ყრიან, რათა მისი მოქმედება გაანეიტრალონ.

ასევე, მომიტინგეებს რუსთაველის თეატრთან აღმართული აქვთ ხელოვნური ბარიკადები, რომელსაც ცეცხლი უკიდია. პარალელურად, ისინი პიროტექნიკას იყენებენ სპეცრაზმელების მიმართულებით.

რუსთაველის გამზირზე მოქალაქეები უკვე მეექსვე დღეა აპროტესტებენ საქართველოს მთავრობის გადაწყვეტილებას, 2028 წლის ბოლომდე დღის წესრიგში არ დააყენოს ევროკავშირთან მოლაპარაკების გახსნის საკითხი.