მომიტინგეები კოსტავას ქუჩიდან გმირთა მოედნის მიმართულებით მსვლელობას მართავენ. სავარაუდოდ, სწორედ გმირთა მოედანზე იგეგმება საპროტესტო აქციის გაგრძელებაც. აქციის მონაწილეები გეგმას სპონტანურად ცვლიან.

მანამდე რუსთაველის გამზირზე მომიტინგეთა დაშლის ღონისძიება დაიწყო, აქციის მონაწილეებმა რესპუბლიკის მოედნისკენ დაიხიეს, სადაც ასევე დახვდათ სპეცრაზმი. დემონსტრანტებმა გეგმა შეცვალეს და კოსტავას ქუჩის მიმართულებით დაიძრნენ და ხელოვნური ბარიკადები აღმართეს.

ამ დროისთვის, რუსთაველის გამზირზე აქციის მონაწილეები აღარ იმყოფებიან. სპეცრაზმი კი რუსთაველზე დარჩა.