„კოალიცია ცვლილებისთვის“ ლიდერი, ნიკა გვარამია ქალაქის მთავარ სამმართველოშია გადაყვანილი.

მასთან ამ წუთებში ადვოკატი დიმიტრი საძაგლიშვილი მიდის. ადვოკატისთვის უცნობია, თუ როგორია გვარამიას ჯანმრთელობის მდგომარეობა, ან განხორციელდა თუ არა მასზე ფიზიკური ძალადობა.

ცნობისთვის, პარტია „დროას“ ოფისთან, სადაც პოლიცია ჩხრეკას ატარებდა სამართალდამცველებმა ნიკა გვარამია ადმინისტრაციული წესით დააკავეს.

ფაქტს წინ უძღოდა სიტყვიერი და ფიზიკური დაპირისპირება. უფრო კონკრეტულად, შელაპარაკება მოჰყვა გვარამიას მოთხოვნას, რომ როგორც წარმომადგენელი, ოფისში შეუშვან, რათა ჩხრეკას დააკვირდეს, რის შესაძლებლობასაც მას პოლიციის წარმომადგენლები არ აძლევდნენ. სამართალდამცველებმა მას უთხრეს, რომ საგამოძიებო მოქმედებები უკვე დაწყებულია, ადგილზე იმყოფება წარმომადგენელიც და „ხელის შეშლის შემთხვევაში კანონის შესაბამისად იმოქმედებენ“.