„კოალიცია ცვლილებისთვის“ ერთ-ერთი ლიდერი ნიკა გვარამია მარნეულის დროებითი მოთავსების იზოლატორშია გადაყვანილი.

გვარამიას ადვოკატის, დიტო საძაგლიშვილის ინფორმაციით, მათთვის გვარამიას ადგილსამყოფელის შესახებ თავად შს სამინისტროს მხრიდან არ გამხდარა ცნობილი.

საძაგლიშვილის ცნობით, გვარამიას დაკავების დროს ფიზიკურად გაუსწორდნენ.

“ეს ომონის მხრიდან ცნობილი არ გამხდარა - პოლიციად წოდებულ დაწესებულებას ქმედებები მათ ომონზე უარესად წარმოაჩენს“, - განაცხადა დიტო საძაგლიშვილმა.