შეერთებულმა შტატებმა უკრაინის სამხედრო დახმარების ახალი პაკეტი გამოაცხადა, რომლის ღირებულებაა 988 მილიონი აშშ დოლარია, - ამის შესახებ აშშ-ის თავდაცვის სამინისტრო იუწყება.

დახმარების პაკეტი მოიცავს დრონებს, აღჭურვილობას, კომპონენტებსა და სათადარიგო ნაწილებს საარტილერიო სისტემების, ტანკებისა და ჯავშანტექნიკის შესაკეთებლად და კაპიტალური რემონტისთვის და საბრძოლო მასალას HIMARS-ის სარაკეტო სისტემებისთვის.

„ეს არის უკრაინის უსაფრთხოების დახმარების ინიციატივის (USAI) ფარგლებში ბაიდენის ადმინისტრაციის მიერ გამოყოფილი დახმარების ოცდამეორე პაკეტი. შეერთებული შტატები გააგრძელებს მუშაობას 50-ამდე მოკავშირესთან და პარტნიორთან უკრაინის თავდაცვის საკონტაქტო ჯგუფისა და მასთან ასოცირებული შესაძლებლობების კოალიციების მეშვეობით, რათა უზრუნველყოს მხარდაჭერა, რომელიც უკრაინას სჭირდება ომის მოსაგებად“, - აღნიშნულია ინფორმაციაში.