ძალიან ჰგავს ივანიშვილის რუსული რეჟიმი იანუკოვიჩის უკრაინულ რუსულ რეჟიმს - იანუკოვიჩის სახლში გახსნილია კორუფციის მუზეუმი, მალე მოვესწრებით იმ დროს, როცა ივანიშვილის სახლშიც გაიხსნება მუზეუმი, - ამის შესახებ „ერთიანობა - ნაციონალური მოძრაობის“ ლიდერმა, თინა ბოკუჩავამ ჟურნალისტებს განუცხადა.

მისივე თქმით, ძალადობრივი, საკუთარ ხალხზე მოძალადე რეჟიმი მალე ჩანაცვლდება ხალხის წარმომადგენლობითი მთავრობით.

„ნამდვილად ვხედავ პარალელს ივანიშვილის რეჟიმსა და იანუკოვიჩის რეჟიმს შორის. იქნება ეს სასტიკი დარბევები, მასობრივი დაკავებები თუ ახლა უკვე სრულიად გაუგონარი თავდაცვითი საშუალებების აკრძალვის კანონი. ძალიან ჰგავს ამ თვალსაზრისით ივანიშვილის რუსული რეჟიმი იმდროინდელ უკრაინულ რუსულ რეჟიმს, იანუკოვიჩის რეჟიმის სახით. მინდა, რომ ამ პარალელების გავლებისას ივანიშვილმა კარგად გაიხსენოს როგორ დაასრულა იანუკოვიჩმა. სწორედ ასე დაასრულებს ივანიშვილიც. იანუკოვიჩის სახლში გახსნილია კორუფციის მუზეუმი და დარწმუნებული ვარ, რომ მალე მოვესწრებით იმ დროს, როცა ივანიშვილის სახლშიც გაიხსნება მუზეუმი. ასევე, ამ ქვეყანას შეეძლება, რომ რუსული, კორუმპირებული, ძალადობრივი, საკუთარ ხალხზე მოძალადე რეჟიმი ჩანაცვლდეს ხალხის წარმომადგენლობითი მთავრობით, რომელიც მოახდენს პოლიტიკური პროცესის ნორმალიზაციას და ჩვენს ქვეყანას დააბრუნებს ევროპული განვითარების გზაზე“,- განაცხადა თინა ბოკუჩავამ.