ელექტრონული მუსიკისა და საკლუბო კულტურის წარმომადგენლები ლოზუნგებით: “თავისუფლება რეჟიმის ტყვეებს!” “ვითხოვთ ახალ არჩევნებს!” მარჯანიშვილის მოედანზე შეიკრიბნენ
ელექტრონული მუსიკის სცენისა და საკლუბო კულტურის წარმომადგენლები მარჯანიშვილის მეტროს მიმდებარედ საპროტესტო აქციას ელექტრონული მუსიკის ფონზე მართავენ.
მუსიკოსებს ადგილზე მიტანილი აქვთ სხვადასხვა შინაარსის ბანერები: “თავისუფლება რეჟიმის ტყვეებს!” “ვითხოვთ ახალ არჩევნებს!” “ქლაბერები მოდიან” და ა.შ. ამასთან, აქციის მონაწილეებს გაშლილი აქვთ საპროტესტო ბანერი, რომელზეც იმ ადამიანების ფოტოებია, რომლებიც თბილისში ბოლო დღეებში საპროტესტო აქციების მიმდინარეობისას დაშავდნენ და ცემეს.
ისინი მალე საპროტესტო მსვლელობას დაიწყებენ რუსთაველის გამზირის მიმართულებით და პარლამენტთან დიდ აქციას შეუერთდებიან.
