აშშ-ში, უისკონსინის შტატში, სკოლაში სროლის შედეგად, სულ მცირე, სამი ადამიანი დაიღუპა და ხუთი დაშავდა, - ამის შესახებ ინფორმაციას ABC News-ი ადგილობრივ პოლიციაზე დაყრდნობით ავრცელებს.

პოლიციის ცნობით, ოფიცრებმა სროლაში ეჭვმიტანილი გარდაცვლილი იპოვეს. სროლა უისკონსინის შტატის ქალაქ მადისონში მდებარე სკოლაში მოხდა.

„სიტუაცია მუდმივად ვითარდება, ამიტომ სამუშაო ბევრია“, - განაცხადა მადისონის პოლიციის უფროსმა, შონ ბარნსმა.