„ვითხოვთ ხელახალ არჩევნებს“- ამ ლოზუნგით ზუგდიდში საპროტესტო აქცია გაიმართა.

მოქალაქეები ქალაქის ცენტრში, სახელმწიფო რწმუნებულის ადმინისტრაციის შენობასთან შეიკრიბნენ. მათ ხელში ეჭირათ საქართველოსა და ევროკავშირის დროშები.

დემონსტრანტებმა აქციების პერიოდში დაკავებულების გათავისუფლებას მოითხოვეს.

აქციის მონაწილეთა განცხადებით, ქვეყანაში არსებული მდგომარეობიდან გამოსავალი ხელახალი არჩევნების ჩატარებაა.

მოგვიანებით, აქციის მონაწილეებმა ქალაქის ცენტრალურ ქუჩებში მსვლელობა მოაწყვეს.