„არა რუსულ რეჟიმს“, - ამ ლოზუნგით აჭარის მთავრობის სახლთან საპროტესტო აქცია განახლდა.

აჭარის მთავრობის სახლთან და საკონსტიტუციო სასამართლოსთან აქციის მონაწილეებმა, თბილისში აქციის დროს დაშავებული მოქალაქეების ფოტოები გამოფინეს.

“პროტესტი იქნება უწყვეტი, ჩვენი მოთხოვნაც უცვლელია, საპარლამენტო არჩევნები და ევროინტეგრაციის პროცესის დაჩქარება. რუსული რეჟიმის პირობებში შეუძლებელია, საქართველო ევროპული ოჯახის წევრი გახდეს. ჩვენ აქ მშვიდობიანი პროტესტი გვაქვს და გავაგრძელებთ, შედეგის მიღწევამდე”, - აღნიშნეს მათ

ადგილზე სამართალდამცავები არიან მობილიზებული.