შეერთებული შტატები უკრაინას 15 მილიარდ დოლარს გადასცემს, რომელიც უზრუნველყოფილია გაყინული რუსული აქტივებიდან მიღებული შემოსავლით, - ამის შესახებ უკრაინის პრემიერ-მინისტრმა, დენის შმიგალმა განაცხადა.

მისი თქმით, შესაბამის ხელშეკრულებას ხელი მოაწერეს უკრაინის ფინანსთა სამინისტრომ და მსოფლიო ბანკმა.

„ეს იქნება თანხები უკრაინაში PEACE პროექტის ფარგლებში და „დიდი შვიდეულის“ ინიციატივაში აშშ-ის 20 მილიარდი დოლარის ოდენობის კონტრიბუციის ნაწილი, რომელსაც სოციალური და ჰუმანიტარული ხარჯებისთვის გამოვიყენებთ“, - აღნიშნა შმიგალმა.

შეგახსენებთ, უკრაინამ აშშ-სგან მიიღო 1 მილიარდი აშშ დოლარი, რომელიც უზრუნველყოფილია გაყინული რუსული აქტივებიდან მიღებული შემოსავლით. ამასთან, იაპონია უკრაინას გაყინული რუსული აქტივებით უზრუნველყოფილ კიდევ 3 მილიარდ დოლარს გადაურიცხავს.

კიდევ 3 მილიარდ დოლარს გადაურიცხავს, რომელიც უზრუნველყოფილია გაყინული რუსული აქტივებით.