Reuters - უკრაინაში დონალდ ტრამპის მომავალმა წარმომადგენელმა კიევში ვიზიტი ინაუგურაციამდე გადადო
აშშ-ის არჩეული პრეზიდენტის, დონალდ ტრამპის მომავალმა წარმომადგენელმა უკრაინაში, კიტ კელოგმა კიევსა და ევროპის სხვა დედაქალაქებში დაგეგმილი მოგზაურობა ტრამპის ინაუგურაციამდე გადადო, - ინფორმაციას Reuters-ი ავრცელებს.
გამოცემის ცნობით, გადამდგარი გენერალ-ლეიტენანტი კიტ კელოგი, რომელიც უკრაინასა და რუსეთში ტრამპის სპეციალური წარმომადგენელი უნდა გახდეს, კიევში ჩასვლას უკრაინელ ლიდერებთან შეხვედრას თავდაპირველად იანვრის დასაწყისში გეგმავდა.
Reuters-ს წყაროებმა განუცხადეს, რომ კელოგი უკრაინაში ტრამპის მიერ თანამდებობის დაკავების შემდეგ გაემგზავრება, თუმცა თარიღი უცნობია. ასევე უცნობია, რა მიზეზით გადადო კიტ კელოგმა ვიზიტი.
