„საერთაშორისო გამჭვირვალობა - საქართველოს“ რეგიონული ოფისების ხელმძღვანელი ზვიად ქორიძე ბათუმში, გამოკითხვაზე იმყოფება.

საქმე ეხება ბათუმში, სასტუმრო „შერატონში“ მასზე განხორციელებულ თავდასხმას.

ზვიად ქორიძის განცხადებით, მას „ქართული ოცნების“ დეპუტატი დიმიტრი სამხარაძე დაესხა თავს. მომხდარის დეტალებზე საუბრისას, ქორიძემ განაცხადა, რომ სამხარაძე იგინებოდა, იყო მუქარაც, საბოლოოდ კი ინციდენტში დაცვა ჩაერია. ქორიძე კლინიკაშიც იმყოფებოდა. არსებული ინფორმაციით, მას მცირე დაზიანებები აქვს.