საქართველოს მეხუთე პრეზიდენტის, სალომე ზურაბიშვილის წარმომადგენლები ოპოზიციას ხვდებიან.

შეხვედრაზე იმყოფებიან შემდეგი ოპოზიციური პარტიები: „გახარია საქართველოსთვის“, „სტრატეგია - აღმაშენებელი“, „ერთიანობა - ნაციონალური მოძრაობა“, „კოალიცია ცვლილებისთვის“, „ძლიერი საქართველო“.

შეხვედრის თემა ქვეყანაში მიმდინარე მოვლენებია.

როგორც „კოალიცია ცვლილებისთვის" ერთ-ერთმა ლიდერმა, ელენე ხოშტარიამ ჟურნალისტებს განუცხადა, სალომე ზურაბიშვილთან და მის წარმომადგენლებთან მუშაობა ყოველდღიურ რეჟიმში მიმდინარეობს.

„პრაქტიკულად ყოველდღიურ რეჟიმში ვმუშაობთ პრეზიდენტთან და ადმინისტრაციასთან. ძალიან კონკრეტული ამოცანა გვაქვს - ახალი არჩევნები. იცით, რომ პრეზიდენტი ახლა მიდის ამერიკაში. ძალიან მნიშვნელოვანია ქვეყნისთვის. ის არის აღიარებული, ხალხის ლეგიტიმური წარმომადგენელი. ყველა სამუშაო საკითხზე ვმსჯელობთ. მთავარი თემაა ახალი არჩევნები. ბევრ დოკუმენტზე ვმუშაობთ. დღეს ჩვენ ვხვდებით სალომე ზურაბიშვილის ადმინისტრაციას”,- აღნიშნა ხოშტარიამ.

შეხვედრაზე ასევე იმყოფება, „საერთაშორისო გამჭვირვალობა - საქართველოს " წარმომადგენელი სანდრო ბარამიძე.