გაერთიანებული სამეფო უკრაინას Gravehawk-ის საჰაერო თავდაცვის სისტემებს გადასცემს
გაერთიანებული სამეფო უკრაინას Gravehawk-ის ტიპის საჰაერო თავდაცვის მობილურ სისტემებს გადასცემს. პროექტი ერთობლივად დაფინანსებულია დიდი ბრიტანეთისა და დანიის მიერ, - ამის შესახებ გაერთიანებული სამეფოს მთავრობა იუწყება.
მათი განმარტებით, Gravehawk სისტემას შეუძლია გამოიყენოს უკრაინული რაკეტები, რომელიც უკვე შედის უკრაინის შეიარაღებული ძალების შეიარაღებაში.
„მაშინ, როცა უკრაინა რუსეთის მხრიდა მუდმივი დაბომბვის ქვეშ იმყოფება, Gravehawk-ის სისტემა გააძლიერებს უკრაინის საჰაერო თავდაცვას, რაც მას საშუალებას მისცემს დაიცვას თავისი ქალაქები, ჯარები და კრიტიკული ინფრასტრუქტურა“, - აცხადებენ გაერთიანებული სამეფოს მთავრობაში.
მათივე ინფორმაციით, საჰაერო თავდაცვის სისტემის ორი პროტოტიპი უკრაინაში 2024 წლის სექტემბერში გამოცადეს, კიდევ 15-ის მიწოდება კი წელს განხორციელდება.
v-if="article.gallery" v-html="article.gallery"
