დონალდ ტრამპი პროგნოზირებადია, ის იმას აკეთებს, რასაც ამბობს, - ამის შესახებ გერმანიის კანცლერობის კანდიდატმა, ოპოზიციური „ქრისტიან-დემოკრატიული კავშირის“ (CDU) ლიდერმა, ფრიდრიხ მერცმა განაცხადა.

„ვფიქრობ, დონალდ ტრამპი ძალიან პროგნოზირებადია. ის იმას აკეთებს, რასაც ამბობს. ამ მხრივ, მიმაჩნია, შეგვიძლია მოვემზადოთ იმისთვის, რომ მომდევნო კვირებსა და თვეებში გაცილებით მეტი სიცხადე იქნება და ასევე, რა თქმა უნდა, ბევრი გამოწვევაც იქნება“, - განაცხადა ფრიდრიხ მერცმა.

მისი თქმით, ევროპა უნდა გაერთიანდეს და ამ პროცესს, რომელიც აქამდე უნდა დაწყებულიყო, დონალდ ტრამპი აჩქარებს.

„ეს ჩვენთვის შესაძლებლობაა, რომ სწორად მოვიქცეთ, ძალები გავაერთიანოთ და ერთად ვიმოქმედოთ“, - აღნიშნა მერცმა.