ღაზაში ჰუმანიტარული დახმარებით დატვირთული 630-ზე მეტი სატვირთო მანქანა შევიდა
ღაზას სექტორში, ცეცხლის შეწყვეტის ამოქმედების შემდეგ, ჰუმანიტარული დახმარებით დატვირთული 630-ზე მეტი სატვირთო მანქანა შევიდა, - ინფორმაციას BBC-ი ჰუმანიტარულ საკითხებში გაეროს გენერალური მდივნის მოადგილეზე, ტომ ფლეტჩერზე დაყრდნობით ავრცელებს.
„დასაკარგი დრო არ არის. ეს არის უზარმაზარი იმედის მომენტი - მყიფე, მაგრამ სასიცოცხლოდ მნიშვნელოვანი - რადგან ვაგრძელებთ სვლას მომავალი დღეებისა და კვირების სირთულეების დასაძლევად“, - აღნიშნა ფლეტჩერმა.
ცნობისთვის, ღაზას სექტორში ბოლო კვირების განმავლობაში, დღეში, საშუალოდ, მხოლოდ 40 სატვირთო მანქანა შედიოდა მაშინ, როცა კონფლიქტამდე ღაზაში ყოველდღიურად, დაახლოებით, 500 სატვირთო მანქანა შედიოდა.
ცეცხლის შეწყვეტის შეთანხმება, რომელიც ძალაში გუშინ შევიდა, ღაზას სექტორში ყოველდღიურად 600 სატვირთო მანქანის შესვლას ითვალისწინებს.
v-if="article.gallery" v-html="article.gallery"
